Bugun "Olmaliq" o‘z maydonida "Buxoro"ni qabul qiladi.
Birinchi davrada safarda o‘tgan bahsda Ivan Nagayev tomonidan urilgan gol mezbonlarga uch ochko taqdim etgandi.
Ortga nazar tashlasak, bu jamoa bilan o‘tgan o‘zaro o‘yinlarda "Olmaliq" tarixida esda qolarli bir necha voqeliklar bor ekan.
1. "Olmaliq" oliy ligada ilk durangni shu jamoaga qarshi o‘tgan 2008 yilgi bahsda qayd etgan ekan. Usmon Toshev boshchiligida buxoroliklar Olmaliqdan bir ochko bilan qaytishgan.
2. Shu mavsum ikkinchi davrada Buxoroda o‘tgan o‘yinda esa "Olmaliq" o‘z tarixida ilk marotaba safarda g‘alaba nashidasini surgan.
2009 yil "Olmaliq" ilk marotaba raqib darvozasiga javobsiz beshta to‘p urishga erishgan uchrashuvda ham raqib "Buxoro" bo‘lgan ekan.
Umumiy statistika bo‘yicha o‘tkazilgan 17 o‘yinning 8tasida "Olmaliq" zafar quchgan, 7 o‘yinda raqib uch ochko egasi bo‘lgan va ikki bahsda durang qayd etilgan. Har ikki durang ham Olmaliq shahrida o‘tgan bahslarda qayd etilgan. To‘plar nisbati 29-18 "Olmaliq" foydasiga.
O‘zaro o‘yinlarning to‘liq natijalari quyidagicha:
2008 - OKMK - BUXORO - 0:0
2008 - BUXORO - OKMK - 1:2 (0:2)
2009 - BUXORO - OLMALIQ - 1:3 (1:2)
2009 - OLMALIQ - BUXORO - 5:0 (2:0)
2011 - BUXORO - OLMALIQ - 1:0 (1:0)
2011 - OLMALIQ - BUXORO - 6:1 (2:0)
2012 - BUXORO - OLMALIQ - 0:1 (0:0)
2012 - OLMALIQ - BUXORO - 1:3 (1:2)
2013 - BUXORO - OLMALIQ - 1:0 (0:0)
2013 - OLMALIQ - BUXORO - 3:2 (2:1)
2014 - OLMALIQ - BUXORO - 2:1 (1:0)
2014 - BUXORO - OLMALIQ - 2:1 (1:0)
2015 - BUXORO - OLMALIQ - 0:4 (0:1)
2015 - OLMALIQ - BUXORO - 1:1 (1:1)
2016 - BUXORO - OLMALIQ - 2:0 (0:0)
2016 - OLMALIQ - BUXORO - 0:1 (0:1)
2017 - BUXORO - OLMALIQ - 1:0 (1:0)
