Бугун "Олмалиқ" ўз майдонида "Бухоро"ни қабул қилади.

Биринчи даврада сафарда ўтган баҳсда Иван Нагаев томонидан урилган гол мезбонларга уч очко тақдим этганди.

Ортга назар ташласак, бу жамоа билан ўтган ўзаро ўйинларда "Олмалиқ" тарихида эсда қоларли бир неча воқеликлар бор экан.

1. "Олмалиқ" олий лигада илк дурангни шу жамоага қарши ўтган 2008 йилги баҳсда қайд этган экан. Усмон Тошев бошчилигида бухороликлар Олмалиқдан бир очко билан қайтишган.

2. Шу мавсум иккинчи даврада Бухорода ўтган ўйинда эса "Олмалиқ" ўз тарихида илк маротаба сафарда ғалаба нашидасини сурган.

2009 йил "Олмалиқ" илк маротаба рақиб дарвозасига жавобсиз бешта тўп уришга эришган учрашувда ҳам рақиб "Бухоро" бўлган экан.

Умумий статистика бўйича ўтказилган 17 ўйиннинг 8тасида "Олмалиқ" зафар қучган, 7 ўйинда рақиб уч очко эгаси бўлган ва икки баҳсда дуранг қайд этилган. Ҳар икки дуранг ҳам Олмалиқ шаҳрида ўтган баҳсларда қайд этилган. Тўплар нисбати 29-18 "Олмалиқ" фойдасига.

Ўзаро ўйинларнинг тўлиқ натижалари қуйидагича:
2008 - ОКМК - БУХОРО - 0:0
2008 - БУХОРО - ОКМК - 1:2 (0:2)
2009 - БУХОРО - ОЛМАЛИҚ - 1:3 (1:2)
2009 - ОЛМАЛИҚ - БУХОРО - 5:0 (2:0)
2011 - БУХОРО - ОЛМАЛИҚ - 1:0 (1:0)
2011 - ОЛМАЛИҚ - БУХОРО - 6:1 (2:0)
2012 - БУХОРО - ОЛМАЛИҚ - 0:1 (0:0)
2012 - ОЛМАЛИҚ - БУХОРО - 1:3 (1:2)
2013 - БУХОРО - ОЛМАЛИҚ - 1:0 (0:0)
2013 - ОЛМАЛИҚ - БУХОРО - 3:2 (2:1)
2014 - ОЛМАЛИҚ - БУХОРО - 2:1 (1:0)
2014 - БУХОРО - ОЛМАЛИҚ - 2:1 (1:0)
2015 - БУХОРО - ОЛМАЛИҚ - 0:4 (0:1)
2015 - ОЛМАЛИҚ - БУХОРО - 1:1 (1:1)
2016 - БУХОРО - ОЛМАЛИҚ - 2:0 (0:0)
2016 - ОЛМАЛИҚ - БУХОРО - 0:1 (0:1)
2017 - БУХОРО - ОЛМАЛИҚ - 1:0 (1:0)