Oliy liga 16-turidan o‘rin olgan "Neftchi" - "Sho‘rtan" (1:1) o‘yinidan so‘ng g‘uzorliklar murabbiyi Genadiy Kochnev o‘yin haqida fikr bildirdi.

"Birinchi o‘rinda, Vadim Abramovni bugungi tug‘ilgan kuni bilan tabriklab qolaman. O‘yin haqida gapiradigan bo‘lsak, dastlabki 30 daqiqada raqib bizni o‘z zonamizda "qamab" qo‘ydi. Keyinchalik esa qarshi hujumlar orqali o‘yinni tenglashtira oldik. Afsuski, vaziyatlardan foydalana olmadik. Ikkinchi bo‘limda gol urganimizdan so‘ng farg‘onaliklar ochiq futbol namoyish etishga kirishidi va hisobni tenglashtirishga erishishdi.

Bizda ham qulay vaziyatlar ko‘p bo‘ldi va bugun g‘alabaga yaqinroq edik. Yigitlarga rahmat aytaman. Chunki bugun ular oxirgacha kurashdi. Darvozabonga esa penaltini qaytargani uchun alohida rahmat.

Bugun "Neftchi"ga nima yetishmaganini bilmadim. Raqib haqida fikr bildirmayman. Lekin bizning himoyachilar o‘z ishini yaxshi bajardi" - dedi Kochnev.