Oliy liganing 16-turidan o‘rin olgan “So‘g‘diyona” - “Bunyodkor” (0:0) o‘yinidan so‘ng, mezbonlar ustozi Igor Shkvirin o‘z fikrini aytdi.

"Jamoa rahbariyati va mening maqsadim mavsumni kuchli o‘nlikda yakunlash. “Bunyodkor” bilan bo‘lib o‘tgan o‘yinga kelsak, natijadan qoniqdim, ammo o‘yin sifati bilan qoniqmadim.

Hali oldinda ish judayam ko‘p. Jamoa bilan ikkita mashg‘ulot o‘tkazdim. Bu faqatgina o‘yindagi kurashlarga o‘rgatadi. G‘alaba qozonish uchun hali ishlash kerak. Bu esa boshqacha yo‘l bilan mashg‘ulotlar olib borish kerak. Bugun shunaqa o‘yin bo‘ldi. Mashg‘ulotlarga diqqatni qaratib, keyingi o‘yinlarda hujumkor futbol namoyish etib jizzaxlik muhlislarni xursand qilamiz degan umiddaman" - dedi Igor Shkvirin.