“Qizilqum” – “Paxtakor” (1:1) uchrashuvidan “Paxtakor” ning gruziyalik ustozi Shota ARVELADZE o‘z fikrlari bilan o‘rtoqlashdi.

— Bugun biz ikki xil taymga guvoh bo‘ldik. Birinchi taym u darajada qiziqarli kechmadi, garchi har ikkala jamoa gol urish uchun imkon qidirgan bo‘lsada. Ikkinchi bo‘limda har ikkala tomon ko‘p ter to‘kishga majbur bo‘ldi. Muxlislar qiziqarli bahsga guvoh bo‘lishdi. Raqib birinchi bo‘limda tartibli harakat qildi. Ikkinchi bo‘limda esa biz gol urish uchun ko‘plab imkoniyatga ega bo‘ldik, raqib ham gol urishga yaqin keldi. Durang mezbonlarga xursandchilik olib keldi deb o‘ylayman. Umuman jamoa ikkinchi 45 daqiqalikda men istagandek harakat qildi. Ammo bir qator vaziyatlarda omad bizdan yuz o‘girdi. O‘yinni tahlil qilib, xatolarni to‘g‘irlashga harakat qilamiz.

“Qizilqum” matbuot xizmati.