Oliy liga 16-turidan o‘rin olgan “Dinamo” – “Metallurg” (0:3) o‘yinidan keyin mehmonlar bosh murabbiyi Rustam Mirsodiqov o‘z fikrlarini aytdi.

"O‘yin “Metallurg”ning katta ustunligi ostida o‘tdi. Biz raqibning o‘yinlarini yaxshilab o‘rgangandik. Shunga yarasha taktika tanladik. Bu esa o‘z samarasini berdi. To‘g‘risi maydon egalaridan hujumkor futbol kutgandik. Ammo ularning besh nafar himoyachi bilan chiqqanligi bizning “yumushimizni” osonlashtirdi. Shu o‘rinda biz maydon egalarining ikkinchi roldagi o‘yiniga ham tayyorlangandik. Ko‘rsatmalarni aniq bajarganliklari va chiroyli g‘alaba uchun barcha yigitlarga katta rahmat. Faqat Javohir Esonqulovning jiddiy jarohat olgani yaxshi bo‘lmadi, oyog‘iga gips qo‘ydirdik" - dedi Mirsodiqov.