Oliy Liga ikkinchi davrasini “Mash’al”ga (1:1) qarshi bahs bilan boshlagan “temiryo‘lchilar” bugun “gazchilar”ga qarshi o‘yindan keyingi tiklanish mashg‘ulotini o‘tkazishdi.

Mashg‘ulot jarayonida jamoamizning barcha a’zolari ishtirok etishdi. Dastavval barcha birgalikda yengil yugurib oldi. So‘ngra Mirko Yelichich boshchiligida chigalyozdi mashqlari bajarildi. Shundan keyin darvozabonlar Pyotr Gizimchuk rahbarligida alohida mashg‘ulot o‘tashdi. Futbolchilar esa ikkiga bo‘lingan holda turli mashqlar jamlanmasini bajarishdi. Bir guruh Mirko Yelichich qo‘l ostida mashq bajargan bo‘lsa, ikkinchi guruh mashg‘ulotini Andrey Miklyayev hamda Andrey Fyodorov olib borishdi.

Yakunda esa kechagi uchrashuvda ishtirok etmaganlar hamda yoshlar tarkibidan mashg‘ulot jarayoniga jalb etilgan futbolchilar birgalikda 20 daqiqa futbol o‘ynashdi.