Олий Лига иккинчи даврасини “Машъал”га (1:1) қарши баҳс билан бошлаган “темирйўлчилар” бугун “газчилар”га қарши ўйиндан кейинги тикланиш машғулотини ўтказишди.
Машғулот жараёнида жамоамизнинг барча аъзолари иштирок этишди. Даставвал барча биргаликда енгил югуриб олди. Сўнгра Мирко Йеличич бошчилигида чигалёзди машқлари бажарилди. Шундан кейин дарвозабонлар Пётр Гизимчук раҳбарлигида алоҳида машғулот ўташди. Футболчилар эса иккига бўлинган ҳолда турли машқлар жамланмасини бажаришди. Бир гуруҳ Мирко Йеличич қўл остида машқ бажарган бўлса, иккинчи гуруҳ машғулотини Андрей Микляев ҳамда Андрей Фёдоров олиб боришди.
Якунда эса кечаги учрашувда иштирок этмаганлар ҳамда ёшлар таркибидан машғулот жараёнига жалб этилган футболчилар биргаликда 20 дақиқа футбол ўйнашди.
