«Barselona» klubi yarim himoyachisi Serxi Roberto jamoasini almashtirishi mumkin.
25 yoshli futbolchi xizmatlariga «Chelsi», «Manchester Yunayted» va «Yuventus» klublari qiziqish bildirmoqdalar. Uchchala klub ham futbolchining shartnomasida ko‘rsatilgan 40 mln tovon pulini to‘lashga va uning maoshini ikki barobar oshirishga tayyor.
Roberto «Barselona»dagi faoliyatini davom ettirish istagida, biroq u yetarli o‘yin amaliyotiga ega bo‘lmaslikdan cho‘chimoqda. Kataloniyaliklarning yangi bosh murabbiyi Ernesto Valverdi uni avvalgi pozisiyasiga qaytargan, ya’ni ispaniyalik futbolchi endi o‘ng qanot himoyasida emas markaziy yarim himoyada o‘ynaydi. U yerda esa Buskets, Rakitich va Inyesta kabi futbolchilar bilan raqobatlashishga to‘g‘ri keladi.
Ushbu haftada yarim himoyachining agenti kataloniyaliklar rahbariyati bilan uchrashgan. Klub Robertoga 2019 yilga qadar mo‘ljallangan shartnomani yanada uzaytirishni taklif qilgan.
