«Liverpul» sobiq himoyachisi Jeymi Karrager yarimhimoyachi Filippe Koutinyoning «Barselona»ga o‘tishi mumkinligi haqidagi xabarlarga o‘z munosabatini bildirib o‘tdi.
«Liverpul»da Koutinyoga o‘rinbosar topish uchun vaqt yo‘q. Mersisaydliklarda pul ko‘p bo‘lishi mumkin, ammo ular yangi futbolchi xarid qila olmaydi. «Liverpul» Koutinyoning ketishiga yo‘l qo‘yib beradi, deb o‘ylamayman. Agar u ketsa, isyon ko‘tariladi va ularning orasida men ham bo‘laman!» - deya Karragerning so‘zlarini keltiradi Sky Sports.
Eslatib o‘tamiz, oldinroq Koutinyo «Liverpul» rahbariyatidan o‘zini qo‘yib yuborishlarini so‘ragan va buni elektron pochta orqali klubga jo‘natgandi. Ammo hozircha jamoa uning bu iltimosini rad etgan.
