Oliy liga 17-turidan o‘rin olgan “Buxoro”- “Nasaf” (1:0) o‘yinidan keyingi matbuot anjumanida mezbonlar bosh murabbiyi Ulug‘bek Baqoyev o‘z fikrlari bilan o‘rtoqlashdi.
"Bugungi g‘alaba bilan barcha futbolchilarni, muxlislarni tabriklayman. O‘yindan qoniqish hosil qildim. Bugun qiziqarli va shiddatli bahsga guvoh bo‘ldik. Statistikaga ko‘ra oxirgi to‘rt mavsumda Buxoroda “Nasaf”ga mag‘lub bo‘lgan ekanmiz. Lekin bugun g‘alaba biz tomonda bo‘ldi. Uch ochkoga o‘z-o‘zidan erishilgani yo‘q. Bunga tinimsiz mehnat va ruhiy tayyorgarligimiz maromida bo‘lganligi sababli erishdik, deb o‘ylayman. Qolaversa, jamoamiz tarkibiga yangidan kelib qo‘shilgan futbolchilari ham bu o‘yinda ishonchimizni oqlashdi. Raqibimizga esa keyingi o‘yinlarda omad tilab qolaman",- dedi “Buxoro” ustozi.
