Олий лига 17-туридан ўрин олган “Бухоро”- “Насаф” (1:0) ўйинидан кейинги матбуот анжуманида мезбонлар бош мураббийи Улуғбек Бақоев ўз фикрлари билан ўртоқлашди.
"Бугунги ғалаба билан барча футболчиларни, мухлисларни табриклайман. Ўйиндан қониқиш ҳосил қилдим. Бугун қизиқарли ва шиддатли баҳсга гувоҳ бўлдик. Статистикага кўра охирги тўрт мавсумда Бухорода “Насаф”га мағлуб бўлган эканмиз. Лекин бугун ғалаба биз томонда бўлди. Уч очкога ўз-ўзидан эришилгани йўқ. Бунга тинимсиз меҳнат ва руҳий тайёргарлигимиз маромида бўлганлиги сабабли эришдик, деб ўйлайман. Қолаверса, жамоамиз таркибига янгидан келиб қўшилган футболчилари ҳам бу ўйинда ишончимизни оқлашди. Рақибимизга эса кейинги ўйинларда омад тилаб қоламан",- деди “Бухоро” устози.
