«Barselona» yarim himoyachisi Serji Buskets «Real»ga qarshi bo‘lib o‘tgan Ispaniya superkubogi doirasidagi dastlabki o‘yin (1:3) borasida o‘z fikrlari bilan o‘rtoqlashdi.

«O‘z uyingda 1:3 hisobida yutqazar ekansan — bu og‘ir vaziyat. Hozir bizga hamma narsa qora rangda ko‘rinadi, ammo javob bahsida vaziyatni o‘nglashga harakat qilamiz. Ammo endi Ispaniya superkubogida g‘olib chiqishning deyarli iloji yo‘q.

Bunday o‘yinlarda birinchi bo‘lib gol urgan jamoa katta ustunlikka ega bo‘ladi. «Real» qarshi hujumda yaxshi o‘ynadi.

Hakam borasida to‘xtaladigan bo‘lsam, maydonda men siz kabi imkoniyatga ega bo‘lmayman. Siz vaziyatlarni turli nuqtalardan bir necha marta tomosha qilasiz», – dedi Buskets.

Eslatib o‘tamiz, hakam Rikardo Bengoechea «Real» darvozasiga penalti belgiladi, keiyn esa Krishtianu Ronalduni maydondan chetlatdi.