«Барселона» ярим ҳимоячиси Сержи Бускетс «Реал»га қарши бўлиб ўтган Испания суперкубоги доирасидаги дастлабки ўйин (1:3) борасида ўз фикрлари билан ўртоқлашди.

«Ўз уйингда 1:3 ҳисобида ютқазар экансан — бу оғир вазият. Ҳозир бизга ҳамма нарса қора рангда кўринади, аммо жавоб баҳсида вазиятни ўнглашга ҳаракат қиламиз. Аммо энди Испания суперкубогида ғолиб чиқишнинг деярли иложи йўқ.

Бундай ўйинларда биринчи бўлиб гол урган жамоа катта устунликка эга бўлади. «Реал» қарши ҳужумда яхши ўйнади.

Ҳакам борасида тўхталадиган бўлсам, майдонда мен сиз каби имкониятга эга бўлмайман. Сиз вазиятларни турли нуқталардан бир неча марта томоша қиласиз», – деди Бускетс.

Эслатиб ўтамиз, ҳакам Рикардо Бенгоэчеа «Реал» дарвозасига пенальти белгилади, кеийн эса Криштиану Роналдуни майдондан четлатди.