Yamaykalik afsonaviy sprinter Useyn Bolt futbolchi bo‘lish orzusiga erishishi mumkin.
The Sun xabariga ko‘ra, Angliya chempionshipi vakili «Byorton» Olimpiada o‘yinlarining ko‘p karra chempionini tarkibiga qo‘shib olishga tayyor.
«Men va bosh murabbiy Useynni tarkibimizda ko‘rishdan xursand bo‘lardik. U fantastik tezlikka ega shaxs. Uning jismoniy holati odamni hayratga soladi. Biz Boltni jamoaga taklif qilamiz», - dedi bu haqda klub rahbari Ben Robinson.
Eslatib o‘tamiz, yaqinda Useyn Bolt sportchilik faoliyatini yakunlaganini e’lon qilgan edi.
