"Barselona" hujumchisi Lionel Messi shaharda yuz bergan terrorchilik harakatiga izoh berdi.
Ma’lumki, 17 avgust kuni terrorchi odamlar ustiga yuk mashinasida bostirib borganidan so‘ng, o‘nlab insonlar jarohatlangan, 13 nafari esa hayotdan ko‘z yumgan edi.
«Sevimli shahrimizga qilingan hujum natijasida qurbon bo‘lganlarning oila a’zolariga hamdarlik bildiraman. Har qanday zo‘ravonlik harakatlarini qoralayman. Biz taslim bo‘lmaymiz. Nafratsiz dunyoda tinch totuv yashamoqchi bo‘lganlar ko‘pchilikni tashkil qiladi. Unda hurmat va bag‘rikenglik hayotning asosidir», — deb yozdi Messi ijtimoiy tarmoqda.
