"Барселона" ҳужумчиси Лионель Месси шаҳарда юз берган террорчилик ҳаракатига изоҳ берди.
Маълумки, 17 август куни террорчи одамлар устига юк машинасида бостириб борганидан сўнг, ўнлаб инсонлар жароҳатланган, 13 нафари эса ҳаётдан кўз юмган эди.
«Севимли шаҳримизга қилинган ҳужум натижасида қурбон бўлганларнинг оила аъзоларига ҳамдарлик билдираман. Ҳар қандай зўравонлик ҳаракатларини қоралайман. Биз таслим бўлмаймиз. Нафратсиз дунёда тинч тотув яшамоқчи бўлганлар кўпчиликни ташкил қилади. Унда ҳурмат ва бағрикенглик ҳаётнинг асосидир», — деб ёзди Месси ижтимоий тармоқда.
