“Barselona” klubi Ispaniya chempionati 1-turidan o‘rin olgan “Betis”ga qarshi bahsda maxsus libosda o‘ynaydigan bo‘ldi.
Unga ko‘ra, libosning orqa qismida odatdagidek, futbolchilarning familiyasi emas, balki “Barselona” yozuvi bo‘ladi. Shuningdek, libosning old qismida “TotsSomBarcelona” (“Biz – barchamiz Barselona”) nomli yozuv qayd etiladi.
Eslatib o‘tamiz, 17 avgust kuni Barselonada sodir bo‘lgan terakt oqibatida 13 inson xalok bo‘ldi va 100 ga yaqin inson jabrlangan edi.
Ispaniyada shu munosabat bilan 3 kunlik motam e’lon qilindi. La liga o‘yinlari esa 1 daqiqalik sukut bilan boshlanadigan bo‘ldi.
