“Барселона” клуби Испания чемпионати 1-туридан ўрин олган “Бетис”га қарши баҳсда махсус либосда ўйнайдиган бўлди.

Унга кўра, либоснинг орқа қисмида одатдагидек, футболчиларнинг фамилияси эмас, балки “Барселона” ёзуви бўлади. Шунингдек, либоснинг олд қисмида “TotsSomBarcelona” (“Биз – барчамиз Барселона”) номли ёзув қайд этилади.

Эслатиб ўтамиз, 17 август куни Барселонада содир бўлган теракт оқибатида 13 инсон халок бўлди ва 100 га яқин инсон жабрланган эди.

Испанияда шу муносабат билан 3 кунлик мотам эълон қилинди. Ла лига ўйинлари эса 1 дақиқалик сукут билан бошланадиган бўлди.