"Paxtakor" o‘z tarixida chempionatlar doirasida 2000-uchrashuvida maydonga tushdi.
Samarqandda "Dinamo"ga qarshi bellashuv "Paxtakor" uchun chempionatlar tarixidagi 2000-o‘yinga aylandi. SSSR chempionatlarida "sherlar" 1242 uchrashuvda ishtirok etgan bo‘lsa, O‘zbekiston chempionatida 758-bellashuv o‘tkazildi. Ushbu o‘yinlarda "Paxtakor" 954 g‘alaba, 472 durang va 574 mag‘lubiyatni qayd etgan. Raqiblar darvozasi 3286 marta ishg‘ol qilingan, 2252 to‘p o‘tkazib yuborilgan.
Mazkur uchrashuvlarda eng ko‘p maydonga tushgan futbolchi Gennadiy Denisov bo‘lib, u 371 o‘yinda "Paxtakor" sharafini himoya qilgan. Birodar Abduraimov 358 va Sergey Bondarenko 329 uchrashuvda maydonga tushgan. To‘purarlar borasida Gennadiy Krasniskiy (142), Igor Shkvirin (136) va Birodar Abduraimov (131)tadan gol bilan kuchli uchlikni tashkil qilishgan.
