Shu yilning 4–8 sentyabr kunlari Qozog‘istonning Talgar shahrida mamlakat prezidenti kubogi uchun xalqaro turnir bo‘lib o‘tadi.
O‘ninchi bor tashkil etilayotgan ushbu musobaqada Qozog‘iston, O‘zbekiston, Rossiya, Tojikiston, Qirg‘iziston, Turkmaniston, Albaniya va Gruziya o‘smirlar terma jamoalari ishtirok etadi.
Dilshod Nuraliyev boshchiligidagi O‘zbekiston U-16 terma jamaosi qur’a natijasiga ko‘ra “Kozog‘iston prezidenti kubogi”ning “B” guruhidan o‘rin olgan. Mazkur guruhdan, shuningdek, Qirg‘iziston, Tojikiston va Rossiya o‘smirlar jamoalari joy olgan.
Quyida ushbu turnir taqvimi bilan tanishish mumkin:
“Qozog‘iston prezidenti kubogi”
Talgar, Qozog‘iston
4–8 sentyabr, 2017 yil
1-tur. 4 sentyabr
Qirg‘iziston – Tojikiston
Rossiya – O‘zbekiston
Albaniya – Gruziya
Qozog‘iston – Turkmaniston
2-tur. 5 sentyabr
Rossiya – Qirg‘iziston
O‘zbekiston – Tojikiston
Gruziya – Turkmaniston
Qozog‘iston – Albaniya
3-tur. 7 sentyabr
O‘zbekiston – Qirg‘iziston
Tojikiston – Rossiya
Turkmaniston – Albaniya
Qozog‘iston – Gruziya
Pley-off o‘yinlari va final. 8 sentyabr
7–8 o‘rin uchun
5–6 o‘rin uchun
3–4 o‘rin uchun
Final
Avvalroq Dilshod Nuraliyev shogirdlari 28 avgust – 3 sentyabr kunlari Polshada bo‘lib o‘tadigan xalqaro musobaqada qatnashishi haqida xabar berilgandi.
Bo‘lajak musobaqalar O‘zbekiston o‘smirlar termasi uchun 2018 yilgi U-16 Osiyo chempionati saralash bosqichiga tayyorgarlik vazifasini o‘tab berdi. Saralash bosqichi shu yilning 16–24 sentyabr kunlari Saudiya Arabistoni poytaxti Ar-Riyod shahrida bo‘lib o‘tadi.
