Oliy liga 19-turida «Navbahor» mehmoni bo‘lgan «Dinamo» safardagi noxush an’anani davom ettirdi.
Bu o‘yinda jarohati bois darvozabon Temur Jo‘rayev va hujumchi Amirjon Safarov "Dinamo"ga yordam bera olishmadi. Ularning o‘rnini murabbiylar Mixail Naumov va Abdumalik Abdullayev bilan to‘ldirishdi.
Uchrashuv davomida mezbonlar o‘yinni nazorat qilishga intilgan bo‘lsa, «Dinamo» jamoasi qarshi hujum taktikasini tanladi.
Uchrashuvning 66-daqiqasida burchakdan oshirib berilgan to‘pni Ro‘zimboy Ahmedov darvozaga kiritib, o‘yindagi yagona golga mualliflik qildi hamda jamoasiga g‘alaba keltirdi.
O‘z tarixida Namangandan g‘alaba bilan qayta olmagan «Dinamo» bu safar ham ushbu noxush an’anaga barham bera olmadi.
Oliy Liga. 19-tur. 26 avgust (shanba)
«NAVBAHOR» - «DINAMO» - 1:0
Hakamlar: H. Ro‘ziyev (Toshkent), A. Snetkov (Toshkent vil.), N. Ro‘zimov (Toshkent), A. Shukurullayev (Toshkent)
Nazoratchi: R. Serazetdinov (Toshkent).
O‘zPFL vakili: B. Haydarov.
Gol: Ro‘zimboy Ahmedov 66.
«Navbahor»: 30. Asilbek Amanov, 5. G‘iyos Komilov, 7. Oybek Qilichev (Murod Rajabov, 88), 9. Dilshod Jabborov, 19. Mirzohid G‘ofurov, 21. A’zam Aliyev, 22. Ro‘zimboy Ahmedov (Nemanya Yovanovich, 86), 24. Sardor Azimov, 32. Jahongir Mehmonov, 44. Darko Stanoyevich, 77. Azizbek Turg‘unboyev.
«Dinamo»: 1. Mixail Naumov, 6. Akmal Bozorov, 8. Jasur Azimov, 9. Sardor Suleymonov (70. Muhammad Isayev, 79), 11. Abdumalik Abdullayev (Saidjamol Davlatjanov, 67), 14. Radu Rogak, 15. Shohruh Xolmatov, 17. Aleksey Nikolayev, 19. Orif Mamajonov (50. Farhod Tojiyev, 63), 28. Adnan Oroxovas, 90. Doniyor Ismoilov.
