Олий лига 19-турида «Навбаҳор» меҳмони бўлган «Динамо» сафардаги нохуш анъанани давом эттирди.
Бу ўйинда жароҳати боис дарвозабон Темур Жўраев ва ҳужумчи Амиржон Сафаров "Динамо"га ёрдам бера олишмади. Уларнинг ўрнини мураббийлар Михаил Наумов ва Абдумалик Абдуллаев билан тўлдиришди.
Учрашув давомида мезбонлар ўйинни назорат қилишга интилган бўлса, «Динамо» жамоаси қарши ҳужум тактикасини танлади.
Учрашувнинг 66-дақиқасида бурчакдан ошириб берилган тўпни Рўзимбой Аҳмедов дарвозага киритиб, ўйиндаги ягона голга муаллифлик қилди ҳамда жамоасига ғалаба келтирди.
Ўз тарихида Намангандан ғалаба билан қайта олмаган «Динамо» бу сафар ҳам ушбу нохуш анъанага барҳам бера олмади.
Олий Лига. 19-тур. 26 август (шанба)
«НАВБАҲОР» - «ДИНАМО» - 1:0
Ҳакамлар: Ҳ. Рўзиев (Тошкент), А. Снетков (Тошкент вил.), Н. Рўзимов (Тошкент), А. Шукуруллаев (Тошкент)
Назоратчи: Р. Серазетдинов (Тошкент).
ЎзПФЛ вакили: Б. Ҳайдаров.
Гол: Рўзимбой Аҳмедов 66.
«Навбаҳор»: 30. Асилбек Аманов, 5. Ғиёс Комилов, 7. Ойбек Қиличев (Мурод Ражабов, 88), 9. Дилшод Жабборов, 19. Мирзоҳид Ғофуров, 21. Аъзам Алиев, 22. Рўзимбой Аҳмедов (Неманья Йованович, 86), 24. Сардор Азимов, 32. Жаҳонгир Меҳмонов, 44. Дарко Станоевич, 77. Азизбек Турғунбоев.
«Динамо»: 1. Михаил Наумов, 6. Акмал Бозоров, 8. Жасур Азимов, 9. Сардор Сулеймонов (70. Муҳаммад Исаев, 79), 11. Абдумалик Абдуллаев (Саиджамол Давлатжанов, 67), 14. Раду Рогак, 15. Шоҳруҳ Холматов, 17. Алексей Николаев, 19. Ориф Мамажонов (50. Фарҳод Тожиев, 63), 28. Аднан Ороховац, 90. Дониёр Исмоилов.
