“Buxoro” – “Qizilqum” (1:0) uchrashuvidan keyingi matbuot anjumanida mehmonlar ustozi Hamidjon Aktamov o‘z fikrlarini aytdi.
"Uchrashuv qiziqarli kechdi. Har ikkala tomon uchun ham g‘alaba suv va g‘alabadek zarur edi. Ikkinchi bo‘limda darvozamizga kiritilgan yagona gol o‘yin taqdirini hal qildi. Ikkinchi bo‘limda ayrim vaziyatlarda hakamlarning qarorlariga biroz tushunmadim. Bo‘lim boshida Filiposyanga 100 foiz ikkinchi sariq kartochka olib maydondan chetlatilishi kerak edi. Birinchi bo‘lim oxirida Nagayev bilan bog‘liq vaziyatda “kontakt” bormidi? Yo‘q. Menga vaziyat yaqqol ko‘rinib turgandi. Umuman olganda bugungi o‘yinda yigitlarimiz yaxshi harakat qilishdi. Ularga hech qanday e’tirozim yo‘q. Fursatdan foydalanib kirib kelayotgan Qurbon hayiti ayyomi bilan barchani tabriklab qolaman" - dedi Aktamov.
