“Бухоро” – “Қизилқум” (1:0) учрашувидан кейинги матбуот анжуманида меҳмонлар устози Ҳамиджон Актамов ўз фикрларини айтди.

"Учрашув қизиқарли кечди. Ҳар иккала томон учун ҳам ғалаба сув ва ғалабадек зарур эди. Иккинчи бўлимда дарвозамизга киритилган ягона гол ўйин тақдирини ҳал қилди. Иккинчи бўлимда айрим вазиятларда ҳакамларнинг қарорларига бироз тушунмадим. Бўлим бошида Филипосянга 100 фоиз иккинчи сариқ карточка олиб майдондан четлатилиши керак эди. Биринчи бўлим охирида Нагаев билан боғлиқ вазиятда “контакт” бормиди? Йўқ. Менга вазият яққол кўриниб турганди. Умуман олганда бугунги ўйинда йигитларимиз яхши ҳаракат қилишди. Уларга ҳеч қандай эътирозим йўқ. Фурсатдан фойдаланиб кириб келаётган Қурбон ҳайити айёми билан барчани табриклаб қоламан" - деди Актамов.