Bornmut shahri polisiyasi "Manchester Siti" hujumchisi Serxio Aguero ustidan berilgan shikoyat bo‘yicha tergovni boshladi.

Gap shundaki, "Bornmut" - "Manchester Siti" (2:1) o‘yini vaqtida Serxio Aguero stadiondagi styuardlardan birini urgan. Janjal "Din Kort" stadionida, mehmonlar yarimhimoyachisi Rahim Sterling g‘alaba to‘pini kiritgan vaqtda kelib chiqqan.

Sterling jamoadoshlari bilan birga muxlislar oldiga golni nishonlash uchun kelgan. Buning natijasida Sterling ikkinchi sariq kartochkaga munosib ko‘rilib, maydonni tark etgan. Bir necha muxlislar stadionga yugurib tushib, styuardlar ularga qarshi kuch ishlatishga majbur bo‘lgan. Shuningdek styuardlardan biri o‘zini Serxio Aguero urganini da’vo qilgan. Ammo argentinalik hujumchi bu da’voni rad etmoqda.

Polisiya ayni vaqtda videoyozuvni diqqat bilan o‘rganmoqda.