“Nissa” futbolchisi Jan-Mikael Seri “Barselona”ga o‘tolmagani haqida gapirdi.

“Men juda yomon ahvoldaman. Bilasizmi, futbol o‘ynash men uchun bayram. Biroq “Nissa”ning o‘yinini o‘tkazib yubordim, chunki hozir futbol haqida o‘ylaydigan kayfiyatda emasman. Orzuim “Barselona”da o‘ynash edi, hozir shunchaki dahshatdaman!

“Barselona” rahbariyati bilan uchrashganimda, ular menga transferning o‘xshamaganligi haqida hech narsa deyishmadi, men esa uyga xush kayfiyatda qaytdim. Hatto agentim “Barselona” bilan tuzilgan shartnomani ko‘rsatgandi ham. Biroq ertasi kuni bu xabarni eshitdim. Karaxt ahvolga tushib qoldim.

“Nissa” ofisida esa to‘polon ko‘tardim. Shunchalik baqirdimki, “ustunlar” larzaga keldi. “Nissa” rahbarlari esa hech narsa deyishmadi, hatto ko‘zimga ham qaray olishmadi.

Meni pullar qiziqtirmaydi, men shunchaki grand jamoa safida o‘ynashni istayman, xolos”, dedi Seri.

Ma’lumot uchun, “Barselona” Seri bilan avval shartnoma imzolagan, biroq “Nissa”ning “Napoli” bilan o‘yinidan keyin futbolchini sotib olishdan voz kechgandi.