“Ницца” футболчиси Жан-Микаэль Сери “Барселона”га ўтолмагани ҳақида гапирди.
“Мен жуда ёмон аҳволдаман. Биласизми, футбол ўйнаш мен учун байрам. Бироқ “Ницца”нинг ўйинини ўтказиб юбордим, чунки ҳозир футбол ҳақида ўйлайдиган кайфиятда эмасман. Орзуим “Барселона”да ўйнаш эди, ҳозир шунчаки даҳшатдаман!
“Барселона” раҳбарияти билан учрашганимда, улар менга трансфернинг ўхшамаганлиги ҳақида ҳеч нарса дейишмади, мен эса уйга хуш кайфиятда қайтдим. Ҳатто агентим “Барселона” билан тузилган шартномани кўрсатганди ҳам. Бироқ эртаси куни бу хабарни эшитдим. Карахт аҳволга тушиб қолдим.
“Ницца” офисида эса тўполон кўтардим. Шунчалик бақирдимки, “устунлар” ларзага келди. “Ницца” раҳбарлари эса ҳеч нарса дейишмади, ҳатто кўзимга ҳам қарай олишмади.
Мени пуллар қизиқтирмайди, мен шунчаки гранд жамоа сафида ўйнашни истайман, холос”, деди Сери.
Маълумот учун, “Барселона” Сери билан аввал шартнома имзолаган, бироқ “Ницца”нинг “Наполи” билан ўйинидан кейин футболчини сотиб олишдан воз кечганди.
