Italiya futbol federasiyasi transfer darchasi bo‘yicha o‘zgartirish kiritmoqchi.

Hozirgi vaqtda mamlakat futbolidagi transfer darchasi 1 iyul kuni ochilib, 31 avgustda yopilyapti. Bu esa ko‘pchilik klublarni norozi qilmoqda, chunki mavsum boshlanib ketsa ham, jamoalar transferlarni amalga oshirmoqda.

Jurnalist Janluka Di Marsio xabariga ko‘ra, Italiya futbol federasiyasi transfer darchasini mavsum boshlangunga qadar, ya’ni avgust oyining boshida yopilishini rejalashtirmoqda. Biroq, bu islohotni amalga oshirish uchun mulozimlar UYEFA va FIFA tashkiloti bilan maslahat qilishi lozim bo‘ladi.

Avvalroq, Angliya futbol uyushmasi ham xuddi shunday tashabbus bilan chiqqan edi.