Италия футбол федерацияси трансфер дарчаси бўйича ўзгартириш киритмоқчи.
Ҳозирги вақтда мамлакат футболидаги трансфер дарчаси 1 июль куни очилиб, 31 августда ёпиляпти. Бу эса кўпчилик клубларни норози қилмоқда, чунки мавсум бошланиб кетса ҳам, жамоалар трансферларни амалга оширмоқда.
Журналист Жанлука Ди Марцио хабарига кўра, Италия футбол федерацияси трансфер дарчасини мавсум бошлангунга қадар, яъни август ойининг бошида ёпилишини режалаштирмоқда. Бироқ, бу ислоҳотни амалга ошириш учун мулозимлар УЕФА ва ФИФА ташкилоти билан маслаҳат қилиши лозим бўлади.
Аввалроқ, Англия футбол уюшмаси ҳам худди шундай ташаббус билан чиққан эди.
