"Real" hujumchisi Krishtianu Ronaldu bilan hamkorlik qiluvchi shifokor va ekspert Nik Litlxeyls futbolchining rejimi haqida ma’lumot berib o‘tdi.

"Bundan 20 yil avval Aleks Fergyuson meni "Manchester Yunayted"ga taklif qilganida katta sportdagi faoliyatimni boshlaganman. Murabbiy mendan himoyachi Gari Pallisterning beli bilan bog‘liq muammoni hal qilishda yordam so‘ragandi.

Krishtianu Ronaldu bilan "Real"da uchrashganman. Meni jamoaga o‘sha paytdagi bosh murabbiy Karlo Anchelotti taklif qilgandi. Futbolchilar mashg‘ulot o‘tkazayotganida mutaxassis bilan maydon chetida gaplashib turgandik. Oldimizga Ronaldu yugurib keldi va nima haqida gaplashayotganimiz haqida so‘rashni boshladi. U menga uyqu borasida maslahat berishni so‘radi.

Krishtianu tungu uyquga ketguncha qadar 5 marta 90 daqiqadan uxlaydi. U har safar toza choyshabda embrion holatida uxlaydi. Bundan tashqari, u tungi uyqudan 1,5 soat avval televizor ko‘rmaydi, telefon yoki planshet ishlatmaydi. Uyqu oldidan monitorga qarash sog‘lom uxlashga xalal beradi", – dedi Litlxeys.