«Arsenal» klubining sobiq sardori Toni Adams bosh murabbiy Arsen Venger haqida o‘z fikrlarini aytdi.
Ma’lumki, fransiyalik mutaxassis so‘nggi paytlarda tanqidlar ostida qolib ketgan. Adams ham vaziyatdan foydalanib qoldi.
«O‘yinga tayyorgarlik ko‘rish, ruhiyat va futbolchilar bilan o‘zaro munosabatda Vengerga teng keladigani yo‘q edi. Ammo, u meni biror narsaga o‘rgata oldimi? Yo‘q. Himoyada qanday o‘ynash kerakligini o‘rgatdimi? Yo‘q.
Venger menga, Bould, Uinterbern, Dikson va Simenga ham hech narsani o‘rgatmagan», – dedi Adams Mirror xabarida.
