"Mash’al" - "Navbahor" uchrashuvidan so‘ng mezbonlar bosh murabbiyi Aleksandr Xomyakov uchrashuvida borasida o‘z fikrlarini bildirdi:

- Milliy terma jamoamiz jahon chempionati yo‘llanmasidan quruq qolgani ko‘pchilikni kayfiyatini tushirib yuborgandi. "Navbahor"ga qarshi sifat yuzasidan yaxshiroq futbol ko‘rsatmoqchi bo‘lgandik. Ammo bunga raqib yo‘l qo‘ymadi. Natija albatta kishini xursand qiladi. 3 ochkoga ega bo‘ldik, musobaqa jadvalida yuqoriga ko‘tarildik.

O‘z futbolchilarimga minnatdorchilik aytmoqchiman. Ko‘p vaziyatlardan garchi foydalana olmagan bo‘lsakda, ikkita gol urishni uddaladik. Hech qanday vazifa bizga qo‘yilmagan. Maydonga tushamiz, o‘z o‘yinimizni ko‘rsatamiz... Ochkoni kuzda sanaladi deyishadi. Qishga yaqin yakunda barchasi oydinlashadi.

Yaponiyalik legionerni zaxirada qoldirishga qaror qildim. Uni maydonga tushirishni orada rejalashtirgandim, biroq asosan ikkinchi qavatdagi to‘plar uchun kurash olib borganimiz sababli uni o‘yinga qo‘shishdan ma’no topmadim. Hali uni maydonda ko‘rasiz. Nikita Pavlenko vaziyatlardan birida jarohatlangani uchun o‘zi bizdan almashtirishimizni so‘radi.