"Машъал" - "Навбаҳор" учрашувидан сўнг мезбонлар бош мураббийи Александр Хомяков учрашувида борасида ўз фикрларини билдирди:

- Миллий терма жамоамиз жаҳон чемпионати йўлланмасидан қуруқ қолгани кўпчиликни кайфиятини тушириб юборганди. "Навбаҳор"га қарши сифат юзасидан яхшироқ футбол кўрсатмоқчи бўлгандик. Аммо бунга рақиб йўл қўймади. Натижа албатта кишини хурсанд қилади. 3 очкога эга бўлдик, мусобақа жадвалида юқорига кўтарилдик.

Ўз футболчиларимга миннатдорчилик айтмоқчиман. Кўп вазиятлардан гарчи фойдалана олмаган бўлсакда, иккита гол уришни уддаладик. Ҳеч қандай вазифа бизга қўйилмаган. Майдонга тушамиз, ўз ўйинимизни кўрсатамиз... Очкони кузда саналади дейишади. Қишга яқин якунда барчаси ойдинлашади.

Япониялик легионерни захирада қолдиришга қарор қилдим. Уни майдонга туширишни орада режалаштиргандим, бироқ асосан иккинчи қаватдаги тўплар учун кураш олиб борганимиз сабабли уни ўйинга қўшишдан маъно топмадим. Ҳали уни майдонда кўрасиз. Никита Павленко вазиятлардан бирида жароҳатлангани учун ўзи биздан алмаштиришимизни сўради.