“Valensiya” tarbiyalanuvchisi Ferhat Chogalanni Yevropaning bir qator nomdor klublari o‘z safida ko‘rish istagida.

Ular orasida “MYU”, “Real”, “Milan”, “Yuventus”, “Bavariya” va “PSJ” ham bor.

Italiyaning Tuttomercatoweb saytida yozilishicha, 15 yoshli turk bolasi bir necha yildan buyon “Valensiya” yoshlar jamoasida goleadorlik qobiliyatini namoyon etibgina qolmay, ajoyib fintlari, to‘pni “ushlab” turishi va  sheriklarini qulay vaziyatlarga chiqarishi bilan skautlar e’tiborini tortdi.  

Ferhatning mahoratini ko‘rgan mutaxassislar uni Ronaldinyoga qiyoslashmoqda.

Markaziy yarimhimoyada ham, hujumchi ortida ham birday harakat qila oladigan yosh futbolchiga shu bois yuqorida nomlari keltirilgan jamoalar 13 million yevro berishga tayyor. Ammo “Valensiya” hozircha yosh turk futbolchisini sotmoqchi emas.