Toshkentning “Lokomotiv” klubi navbatdagi uchrashuvini safarda “Nasaf”ga qarshi o‘tkazadi.
“Temiryo‘lchilar” jamoasi bir kunlik damdan so‘ng bugundan yana mashg‘ulotlarga kirishishdi va “Nasaf” bilan o‘yin hozirligini boshlashdi. “Lokomotiv” stadionida o‘tkazilgan mashg‘ulot jarayoni juda rangbarang tarzda kechdi.
Dastlab jamoa birgalikda yengil yugurib oldi. So‘ngra darvozabonlar alohida, futbolchilar alohida chigalyozdi mashqlarini o‘tashdi. O‘yinchilar mashg‘ulotning ilk qismida asosan jismoniy yuklama beruvchi mashqlarni bajarishdi. Yakunda esa tezkor qarshi hujumlar tashkil etish hamda raqib hujumini tezda uzib qo‘yish borasida ish olib borildi.
