Nemis futbol uyushmasi 2024 yilda bo‘lib o‘tadigan Yevropa chempionatiga mezbonlik qilish uchun ariza topshirdi va unda 10ta stadionni ko‘rsatib o‘tdi. Bu haqda «Bavariya» rasmiy saytida yozilgan.
Berilgan arizada «Alyans Arena» (Myunxen), Olimpiashtadion (Berlin), «Signal Iduna Park» (Dortmund), «Esprit Arena» (Dyusseldorf), «Kommersbank-Arena» (Frankfurt), «Feltins-Arena» (Gelzenkirxen), « Folksparkshtadion» (Hamburg), «Rayn-Energi» (Kyoln), «Red Bull-Arena — Sentralshtadion» (Leypsig) va «Mersedes-Bens-Arena» (SHtutgart) stadionlari uchrashuvlarni o‘tkazish arena sifatida ko‘rsatib o‘tilgan.
2018 yilning 27 apreliga qadar tashkilot UYEFAga barcha hujjatlar yig‘indisini tayyorlab berishi kerak bo‘ladi.
UYEFA tomonidan musobaqani o‘tkazish bo‘yicha mezbon davlatni aniqlashni 2018 yilning sentyabrida e’lon qiladi. Germaniyaning bu boradagi yagona raqibi Turkiya bo‘lib turibdi.
