«Nyukasl» klubining sobiq hujumchisi Faustino Asprilya «Barselona»ga qarshi o‘tkazgan o‘yinini esladi.

YECHL 1997/98 mavsumidagi bu o‘yinda futbolchi het-trik sohibi bo‘lgandi.

«Bu o‘yinda maydonga tushaman deb o‘ylamagandim. Chunki, bir necha kun oldin jamoa yig‘ilishiga kelmay, jarimaga tortilgandim. Murabbiy meni tarkibga kiritganida hayron qoldim.

Bu faoliyatimdagi eng zo‘r o‘yinlardan biri bo‘ldi. «Barselona» ikkita gol urdi, biroq, mening uchta golim bilan yutqazmasligimiz aniq edi.

Bu o‘yindan keyin, Nyukasl restoranlarida umuman pul to‘lamay qo‘yganman», – dedi Asprilya Daily Mail xabarida.