«Ньюкасл» клубининг собиқ ҳужумчиси Фаустино Асприлья «Барселона»га қарши ўтказган ўйинини эслади.
ЕЧЛ 1997/98 мавсумидаги бу ўйинда футболчи ҳет-трик соҳиби бўлганди.
«Бу ўйинда майдонга тушаман деб ўйламагандим. Чунки, бир неча кун олдин жамоа йиғилишига келмай, жаримага тортилгандим. Мураббий мени таркибга киритганида ҳайрон қолдим.
Бу фаолиятимдаги энг зўр ўйинлардан бири бўлди. «Барселона» иккита гол урди, бироқ, менинг учта голим билан ютқазмаслигимиз аниқ эди.
Бу ўйиндан кейин, Ньюкасл ресторанларида умуман пул тўламай қўйганман», – деди Асприлья Daily Mail хабарида.