Oliy liganing 21-turida "Qo‘qon-1912" - "Mash’al" o‘yini o‘tkazildi.
Mezbonlar tarkibida bugungi uchrashuvni jarohat sabab Javohir Sidiqov, Jalil Kimsanov va Aleksandr Merzlyakov o‘tkazib yuborishdi. Bu yo‘qotishlar esa o‘z so‘zini aytdi.
Hisob 30-daqiqada ochildi. Nikita Pavlenko himoyachilar xatosidan unumli foydalanishga muvaffaq bo‘ldi - 0:1.
36-daqiqada mehmonlar ikkinchi bor darvozani aniq nishonga olishdi. Abdullox Olimovning oshirib bergan to‘pini Xumoyun Murtazoyev boshi bilan darvozaga bexato yo‘lladi – 0:2.
Birinchi bo‘limning so‘nggi daqiqalarida mehmonlar himoyachisi o‘z jarima maydonchasi ichida to‘pni qo‘l bilan to‘xtatib qoldi. Belgilangan penaltini Murod Xolmuhammedov aniq amalga oshirdi – 1:2.
64-daqiqada, Nikita Pavlenkoning kuchli zarbasidan so‘ng, to‘p uchinchi marta darvozadan o‘rin oldi – 1:3.
87-daqiqada Quvondiq Ro‘ziyev hisobni qisqartirdi. Hakam tomonidan qo‘shib berilgan daqiqalarda Xumoyun Murtazoyev hisobni 2:4 ko‘rinishiga keltirib qo‘ydi.
Oliy liga, 21-tur
«Qo‘qon-1912» (Qo‘qon) – «Mash’al» (Muborak) – 2:4 (1:2)
Gollar: Murod Xolmuhammedov 45 pen, Quvondiq Ro‘ziyev -87 - Nikita Pavlenko-30, 64, Xumoyun Murtazoyev-36, 90.
Hakamlar: R. Ermatov (Toshkent), A. Rasulov (Toshkent), J. Saidov (Toshkent), J. Muxtorov (Toshkent)
Nazoratchi: O. Dachev (Toshkent).
O‘zPFL vakili: A. Inoyatov.
«Qo‘qon-1912»: 13. Aziz Ashurov, 7. Jamshid Hasanov, 9. Nosir Otaqo‘ziyev, 14. Doniyor Hasanov (4. Bahodir Akramov-46), 19. Suhrob Berdiyev (11. Andrey Sidorov-70), 26. Akmal Xolmurodov, 55. Darko Gojkovich, 70. Quvondiq Ro‘ziyev, 77. Murod Xolmuhammedov, 98. Xushnudbek Avilov (17. Avaz Mamatxo‘jayev-46), 99. Filip Rayevas.
Zaxira: 12. Nikita Ribkin, 25. Iqbol Malikjonov, 96. Muhammadanas Hasanov, 97. Oybek Rustamov.
«Mash’al»: 35. Javohir Ilyosov, 6. Sardor Abduraimov (22. Bobur Qosimov-84), 10. Xumoyun Murtazoyev, 13. Shahzod Shaymanov, 18. Abbos Shodmonov, 23. Kenja To‘rayev (19. Zohir Qo‘ziboyev-58), 27. Nikita Pavlenko, 31. Igor Timonyuk, 44. Asil Begimqulov, 55. Avaz Agaliyev, 77. Abdullox Olimov (2. Iskandar Shoyqulov-61).
Zaxira: 30. Botir Nosirov, 3. Sardor Rahmonov, 11. Tomoki Muramatsu, 90. Zafar To‘rayev.
