Oliy liga 21- tur bellashuvlari doirasida “Navbahor” o‘z maydonida Bekobodning “Metallurg” jamoasini qabul qildi.

Birinchi bo‘lim biroz zerikarli ruhda o‘tdi. Sababi hujumlar soni kam tashkil qilindi, himoyachilar esa deyarli bexato harakat qilishdi.

O‘yinning ikkinchi yarmida mezbonlar tezkor gol urishga muvaffaq bo‘lishdi. Azizbek Turg‘unboyevning jarima maydoni ichida tepgan to‘pi raqib futbolchilaridan biriga tegib, “Metallurg” darvozasidan joy oldi - 1:0.

Goldan ruhlangan mezbonlar bekobodliklar darvozasi oldida shiddatli hujumlarni to‘xtatmadi. Bu esa 66-daqiqada o‘z samarasini berdi va Aziz Turg‘unboyev yana o‘z nomiga gol yozdirib, hisobni 2:0 ko‘rinishiga keltirdi.

Lekin mehmonlar 75-daqiqada Zohid Abdullayev goli evaziga hisobni qisqartirishdi. 2:1 hisobi uchrashuv oxirigacha saqlanib qoldi.

Oliy liga, 21-tur
“Navbahor” – “Metallurg” 2:1 (0:0)
Gollar: A. Turg‘unboyev (47, 66) – Z. Abdullayev (75).
16 sentyabr. Namangan. “Markaziy” o‘yingoh.
Hakamlar: A. Asimov, R. Nugmanov, B. Baxromov, A. Najafaliyev.
Nazoratchi – M. Ismoilov.
“Navbahor”: 30. Asilbek Amanov, 5. G‘iyos Komilov, 7. Oybek Qilichev (6. Oston O‘runov, 83), 9. Dilshod Jabborov, 19. Mirzohid G‘ofurov, 21. A’zam Aliyev, 22. Ro‘zimboy Ahmedov, 24. Sardor Azimov (18. Doniyor Usmonov, 57), 32. Jahongir Mehmonov, 44. Darko Stanoyevich, 77. Azizbek Turg‘unboyev.
“Metallurg”: 1. Zafar Safayev, 2. Abror Xusinov, 4. Hikmat Hoshimov, 8. Ayubxon No‘’monov, 11. Murodjon Toshmatov, 14. Davronbek Karimqulov, 15. Zohid Abdullayev, 17. Mirg‘iyos Suleymanov, 19. Alisher Ziyovutdinov, 22. Islombek Isoqjonov (38. Muhammadjon Sultonov, 80), 70. Jahongir Abdumo‘minov (13. Sanjar Qodirqulov, 70).
Ogohlantirishlar: M. G‘ofurov (84), G‘. Komilov (85) - J. Abdumo‘minov (14), A. No‘’monov (21), H. Hoshimov (81), S. Qodirqulov (84).
Chetlatish: A. No‘’monov (73, ikkinchi ogohlantirish).