Олий лига 21- тур беллашувлари доирасида “Навбаҳор” ўз майдонида Бекободнинг “Металлург” жамоасини қабул қилди.

Биринчи бўлим бироз зерикарли руҳда ўтди. Сабаби ҳужумлар сони кам ташкил қилинди, ҳимоячилар эса деярли бехато ҳаракат қилишди.

Ўйиннинг иккинчи ярмида мезбонлар тезкор гол уришга муваффақ бўлишди. Азизбек Турғунбоевнинг жарима майдони ичида тепган тўпи рақиб футболчиларидан бирига тегиб, “Металлург” дарвозасидан жой олди - 1:0.

Голдан руҳланган мезбонлар бекободликлар дарвозаси олдида шиддатли ҳужумларни тўхтатмади. Бу эса 66-дақиқада ўз самарасини берди ва Азиз Турғунбоев яна ўз номига гол ёздириб, ҳисобни 2:0 кўринишига келтирди.

Лекин меҳмонлар 75-дақиқада Зоҳид Абдуллаев голи эвазига ҳисобни қисқартиришди. 2:1 ҳисоби учрашув охиригача сақланиб қолди.

Олий лига, 21-тур
“Навбаҳор” – “Металлург” 2:1 (0:0)
Голлар: А. Турғунбоев (47, 66) – З. Абдуллаев (75).
16 сентябрь. Наманган. “Марказий” ўйингоҳ.
Ҳакамлар: А. Асимов, Р. Нугманов, Б. Бахромов, А. Нажафалиев.
Назоратчи – М. Исмоилов.
“Навбаҳор”: 30. Асилбек Аманов, 5. Ғиёс Комилов, 7. Ойбек Қиличев (6. Остон Ўрунов, 83), 9. Дилшод Жабборов, 19. Мирзоҳид Ғофуров, 21. Аъзам Алиев, 22. Рўзимбой Аҳмедов, 24. Сардор Азимов (18. Дониёр Усмонов, 57), 32. Жаҳонгир Меҳмонов, 44. Дарко Станоевич, 77. Азизбек Турғунбоев.
“Металлург”: 1. Зафар Сафаев, 2. Аброр Хусинов, 4. Ҳикмат Ҳошимов, 8. Аюбхон Нўъмонов, 11. Муроджон Тошматов, 14. Давронбек Каримқулов, 15. Зоҳид Абдуллаев, 17. Мирғиёс Сулейманов, 19. Алишер Зиёвутдинов, 22. Исломбек Исоқжонов (38. Муҳаммаджон Султонов, 80), 70. Жаҳонгир Абдумўминов (13. Санжар Қодирқулов, 70).
Огоҳлантиришлар: М. Ғофуров (84), Ғ. Комилов (85) - Ж. Абдумўминов (14), А. Нўъмонов (21), Ҳ. Ҳошимов (81), С. Қодирқулов (84).
Четлатиш: А. Нўъмонов (73, иккинчи огоҳлантириш).