Mamlakatimizning tarixiy shaharlaridan biri bo‘lgan Qo‘qon jamoasi bilan bekobodliklar milliy chempionatlarimiz doirasida 15 bora to‘qnash kelishgan.   Mazkur uchrashuvlarning 5 tasida Toshkent viloyati vakillarining qo‘li baland kelgan bo‘lsa, ikkita o‘yinda durang natija qayd etilgan. Sakkizta o‘yinda esa vodiylik futbolchilar muvaffaqiyat qozonishgan. “Metallurg” raqiblari darvozasiga 21 ta gol kiritib, o‘z darvozasidan 27 gol o‘tkazib yuborgan.   “Metallurg”ning eng yirik hisobdagi g‘alabasi 2000 yilgi chempionatda kuzatilgan bo‘lib, o‘shanda bekobodliklar “Temiryo‘lchi”ni 6:1 hisobida dog‘da qoldirgandi. Qo‘qonliklarning yirik g‘alabasi 5:1 va 4:0 hisoblarida ko‘rinish olgan.   Jamoalarning Bekobodda o‘tkazilgan yettita o‘yinida besh marta mezbonlar zafar quchishgan bo‘lishsa, bitta o‘yinda durang natija qayd etilgan. Bir marta esa omad mehmonlarga kulib boqqan. Mazkur uchrashuvlarda “Metallurg” 17, “Qo‘qon 1912” jamoasi 26 ochkoga ega bo‘lgan. Bu yilgi mavsumning birinchi davrasida qo‘qonliklar o‘z maydonlarida “Metallurg” darvozasiga javobsiz uchta to‘p kiritgan.   Quyida ushbu jamoalarning Bekobodda bo‘lib o‘tgan barcha uchrashuvlari natijalari bilan tanishing: 30.04.2016                 Metallurg     –          Qo‘qon 1912               3:1 06.06.2015                 Metallurg     –          Qo‘qon 1912               2:1 14.05.2003                 Metallurg     –          Qo‘qon 1912               3:1 23.03.2002                 Metallurg     –          Qo‘qon 1912               0:2 20.09.2000                 Metallurg     –          Temiryo‘lchi              6:1 18.04.1999                 Metallurg     –          Temiryo‘lchi              2:0 29.05.1998                 Metallurg     –          Temiryo‘lchi              1:1   Raqib haqida   “Qo‘qon 1912” jamoasi tarixi o‘zbek futboli tarixi bilan chambarchas bog‘liq. Jamoaga o‘tgan asrda – 1912 yilda asos solingan. Jamoa turli yillarda “Mehnat”, “Avtomobilchi” nomlari bilan musobaqalarda qatnashib kelgan. Mustaqil chempionatlarimizda esa 1992 – 2001 yillar oralig‘ida oliy liga bahslarida “Temiryo‘lchi” nomi ostida ishtirok etgan. O‘zbekiston kubogining birinchi finalchisi. 2002 yildan quyi ligaga tushib ketdi va “Qo‘qon” (2002-2008), “Bunyodkor-Qo‘qon” (2009-2011) nomlari ostida kuchlilar safiga qaytishga harakat qildi. 2012 yildan “Qo‘qon 1912” nomini olgan jamoa 2015 yildan yana oliy ligada ishtirok etib kelayapti. Shu yillar davomida “Qo‘qon 1912” jamoasi oliy ligada 361 ta uchrashuv o‘tkazdi. Shulardan 132 tasida g‘alaba qozondi, 49 uchrashuvda durang o‘ynadi, 180 o‘yinda imkoniyatni boy berdi. Kiritilgan va o‘tkazib yuborilgan to‘plar nisbati – 492:681.   Uchrashuv hakamlari to‘g‘risida   Mazkur jamoalarning bu yilgi to‘qnashuvini poytaxtlik hakamlar brigadasi boshqarib borishadi. Bosh hakam Viktor Serazetdinovga qanotlarda Andrey Sidorov va Doniyor Saylalovlar yordam berishadi. Zahira hakami Naim Qosimov, Qarshi shahridan. Nazoratchi hakam Baxtiyor Tog‘ayev.     «Metallurg» (Bekobod) – «Qo‘qon-1912» (Qo‘qon)
Hakamlar: V. Serazetdinov (Toshkent), A. Sidorov(Toshkent), D. Saylalov(Toshkent), N. Qosimov(Qarshi)
Nazoratchi: B. Togayev(Toshkent).
O‘zPFL vakili: V. Letkin.