«Yuventus» klubining fransiyalik himoyachisi Jonatan Zebina Avinyon shahri sudida ko‘rsatma berdi.

Lea Dauphune Libere xabariga ko‘ra, sobiq futbolchi 1 million yevro miqdoridagi soliqlarni to‘lashdan bo‘yin tovlaganlikda ayblanmoqda. Prokuror uni 1,5 yilga ozodlikdan mahrum etishni so‘ragan. Bu haqdagi sud hukmi 16 oktyabr kuni e’lon qilinadi.

Eslatib o‘tamiz, Zebina «Yuventus»dan tashqari, «Kann», «Kalyari», «Roma» «Breshia», «Brest», «Tuluza» va «Arl-Avinyon» klublarida o‘ynagan. U 2014 yilda faoliyatini tugatgan edi.