“Real” klubi sardori Serxio Ramos Ispaniya chempionatida hakamlarning ishlarini tanqid ostiga oldi.

Eslatib o‘tamiz, “Real” bugun o‘z maydoni “Santyago Bernabeu”da “Betis”ga 0:1 hisobida imkoniyatni boy berib qo‘ydi.

“Qancha hakamlar haqida gapirsak ahvol tobora yomonlashib boraveradi. Hakamlarning ishlarini hurmat qilish darkor. Lekin ular doim bahsli vaziyatlarda “Real” emas “Barselona” foydasiga ishlashmoqda.

Nega “Barselona” futbolchilari doim penalti tepaveradi? “Real”da esa aksincha. Rosti, mavsumning boshlanishi meni bezovta bo‘lishimga sabab bo‘lmoqda”, — deydi Ramos.