UYEFA 2020 yilda o‘tkaziladigan Yevropa chempionatining saralash o‘yinlari formatini tasdiqladi.

Ma’lumki, chempionat o‘yinlari Yevropaning 13ta shahrida o‘tkaziladi. Biroq, mezbonlar avtomatik ravishda yo‘llanma olmaydi.

Jami 24 terma jamoa ishtirok etadigan musobaqa saralashi 10ta guruhdan iborat bo‘ladi. Birinchi va ikkinchi o‘rinni egallagan termalar Yevro-2020 yo‘llanmasini qo‘lga kiritadi. Qolgan 4ta yo‘llanma egasi Millatlar ligasi g‘oliblariga taqsimlanadi.

Agar Millatlar ligasida guruh g‘oliblari Yevro-2020 yo‘llanmasini qo‘lga kiritgan bo‘lsa, u holda uning yo‘llanmasi keyingi o‘rinni egallagan jamoaga beriladi.

Saralash o‘yinlari 2019 yil mart oyida start oladi.