Angliya chempionatining 6-turidan o‘rin olgan “Liverpul”“Lester” uchrashuvi yakuniga yetdi.

Unda 2:3 hisobi qayd etilib, mehmonlarning g‘alabasi bilan yakunlandi. 15-daqiqada Muhammad Saloh gol urib, “Liverpul”ni oldinga olib chiqdi, oradan biroz vaqt o‘tgach Koutinyo jarima zarbasini golga aylantirib hisobni 2:0 ko‘rinishiga olib keldi.

Birinchi bo‘limning so‘nggi daqiqalarida Shinji Okazaki “Lester”ning uchrashuvdagi birinchi golini urdi.

Ikkinchi bo‘limning 68 va 69-daqiqalari o‘yinning hal qiluvchi onlari sifatida yodda qoldi. Xenderson 68-daqiqada hisobni 3:1 ko‘rinishiga olib kelgan bo‘lsa, oradan atigi bir daqiqa o‘tib, Jeymi Vardi “Lester”ni yana olg‘a boshladi.

Biroq, 73-daqiqada Vardi o‘zi ishlagan 11 metrlik jarima zarbasini golga aylantira olmadi. Bu vaziyatda “Liverpul” darvozaboni o‘zi yo‘l qo‘ygan xatoni o‘zi to‘g‘irlashga erishdi.

Shu tariqa, “Lester” o‘z maydonida “Liverpul”ga imkoniyatni boy berib qo‘ydi.

Lester, “King Pauer – Uolkers” stadioni.

“Lester”– “Liverpul” 2:3 (1:2)

Gollar: Salax 15, Koutinyo 23, Okadzaki 45, Xenderson 68, Vardi 69.

“Lester”: Shmeyxel, Morgan, Chiluell, Simpson, Maguayr, Marez (Grey 61), Ndidi, King, Olbrayton (Slimani 80), Okadzaki (Ixeanacho 74), Vardi.

“Liverpul”: Minyole, Matip, Moreno, Gomes, Lovren, Koutinyo (Oksleyd-CHemberlen 79), Djan (Milner 74), Firmino (Starridj 64), Veynaldum, Salax, Xenderson.

Ogohlantirishlar: Olbrayton 17, Ndidi 22, Matip 45, Lovren 56, Minyole 72.

Amalga oshirilmagan penalti: Vardi 73.