Англия чемпионатининг 6-туридан ўрин олган “Ливерпуль”“Лестер” учрашуви якунига етди.

Унда 2:3 ҳисоби қайд этилиб, меҳмонларнинг ғалабаси билан якунланди. 15-дақиқада Муҳаммад Салоҳ гол уриб, “Ливерпуль”ни олдинга олиб чиқди, орадан бироз вақт ўтгач Коутиньо жарима зарбасини голга айлантириб ҳисобни 2:0 кўринишига олиб келди.

Биринчи бўлимнинг сўнгги дақиқаларида Шинжи Оказаки “Лестер”нинг учрашувдаги биринчи голини урди.

Иккинчи бўлимнинг 68 ва 69-дақиқалари ўйиннинг ҳал қилувчи онлари сифатида ёдда қолди. Хендерсон 68-дақиқада ҳисобни 3:1 кўринишига олиб келган бўлса, орадан атиги бир дақиқа ўтиб, Жейми Варди “Лестер”ни яна олға бошлади.

Бироқ, 73-дақиқада Варди ўзи ишлаган 11 метрлик жарима зарбасини голга айлантира олмади. Бу вазиятда “Ливерпуль” дарвозабони ўзи йўл қўйган хатони ўзи тўғирлашга эришди.

Шу тариқа, “Лестер” ўз майдонида “Ливерпуль”га имкониятни бой бериб қўйди.

Лестер, “Кинг Пауэр – Уолкерс” стадиони.

“Лестер”– “Ливерпуль” 2:3 (1:2)

Голлар: Салах 15, Коутиньо 23, Окадзаки 45, Хендерсон 68, Варди 69.

“Лестер”: Шмейхель, Морган, Чилуэлл, Симпсон, Магуайр, Марез (Грэй 61), Ндиди, Кинг, Олбрайтон (Слимани 80), Окадзаки (Ихеаначо 74), Варди.

“Ливерпуль”: Миньоле, Матип, Морено, Гомес, Ловрен, Коутиньо (Окслейд-Чемберлен 79), Джан (Милнер 74), Фирмино (Старридж 64), Вейналдум, Салах, Хендерсон.

Огоҳлантиришлар: Олбрайтон 17, Ндиди 22, Матип 45, Ловрен 56, Миньоле 72.

Амалга оширилмаган пенальти: Варди 73.