Italiya chempionatining 6-turidan o‘rin olgan “Yuventus” – “Torino” uchrashuvida maydon egalari 4:0 hisobida yirik g‘alabani qo‘lga kiritishdi.
“Turin derbisi” maqomida o‘tgan o‘yinda Dibalaning dubli, Pyanich va Aleks Sandroning gollari “Yuventus”ga navbatdagi g‘alabani taqdim etdi.
“Torino” esa 24-daqiqada Bazellining chetlatilishi tufayli o‘yinning qolgan qismini 10 kishi bo‘lib o‘tkazishga majbur bo‘ldi.
“Yuventus” – “Torino” - 4:0 (2:0)
Gollar: Dibala 16, 90+1, Pyanich 40, Aleks Sandro 57.
“Yuventus”: Buffon, Benatia, Aleks Sandro, Lixtshtayner, Kyellini, Kuadrado (Bernardeski 62), Matyuidi (Bentankur 72), Pyanich, Duglas Kosta, Dibala, Mandjukich (Iguain 80).
“Torino”: Sirigu, Nkulu, de Silvestri, Ansaldi, Voynovich, Rinkon, Bazelli, Yago Falke (Akkua 30), Lyaich, Nyang, Belotti.
Ogohlantirishlar: Bazelli 10, Lyaich 39, Benatia 45, Akkua 83.
Chetlatish: Bazelli 24.
