Yozgi transferlar oynasi vaqtida "Real" "Manchester Yunayted" darvozaboni David De Xeani sotib olish uchun katta ishlarni olib bordi.
Yodingizda bo‘lsa, 2016 yili tomonlar kelishuvga erishgan, biroq hujjatlarning bir necha daqiqa kechikkani natijasida transfer amalga oshmagandi.
Diario Goal nashri xabariga ko‘ra, "Real" prezidenti Florentino Peres, "MYU" vakili Ed Vudvord hamda David De Xealar ishtirokida uchrashuv bo‘lib o‘tgan. Unda David De Xea "qizil iblislar" tarkibida qolishini, keyingi yili bo‘ladigan Jahon Chempionatida yanada kuchliroq formada bo‘lishi kerakligini ma’lum qilgan.
Biroq kelasi yilgi yozgi transferlar oynasi vaqtida Peres yana muzokaralar o‘tkazishini gapirib o‘tgan.
